अमेरिकी आक्रमणपछि वार्ताबारे पुनरावलोकन गर्दै इरान

तेहरान । अमेरिकाद्वारा गरिएको पछिल्लो सैन्य आक्रमणपछि दुई देशबिचको सम्भावित वार्ताबारे इरानले पुनरावलोकन गरिरहेको जनाएको छ । इरानी विदेश मन्त्रालयका प्रवक्ता इस्माइल बघाईले अमेरिकी आक्रमणको पृष्ठभूमिमा तेहरानले वार्ताको अवस्थालाई पुनः समीक्षा गरिरहेको बताएका हुन् । अमेरिका र इजरायलमाथि उनले बारम्बार युद्धविराम उल्लङ्घन गरेको आरोप समेत लगाए ।

बघाईका अनुसार कूटनीतिक वार्ता प्रभावकारी हुन न्यूनतम विश्वास र अनुकूल वातावरण आवश्यक हुन्छ । तर अमेरिकाले विरोधाभासी सन्देश, आफ्नो अडान तथा मागहरूमा बारम्बार परिवर्तन र युद्धविराम उल्लङ्घनमार्फत यस्तो वातावरण कमजोर बनाइरहेको उनको आरोप छ ।