रसुवामा भीषण बाढी : स्याफ्रुबेँसी र टिमुरेमा क्षति, सरकारद्वारा उद्धार र राहतमा जुट्न निर्देशन

काठमाडौँ । भीषण बाढीका कारण रसुवाका स्याफ्रुबेँसी र टिमुरे लगायतका क्षेत्रमा गम्भीर क्षति पुगेको छ। सूचना तथा सञ्चारमन्त्री डा. विक्रम तिमिल्सिनाले रसुवा र नुवाकोटका नदी तटीय तथा जोखिमयुक्त क्षेत्रका नागरिकलाई विशेष सतर्कता अपनाउन आग्रह गरेका छन्।

सरकारले सम्बन्धित सुरक्षा निकाय, जिल्ला प्रशासन कार्यालय, स्थानीय तह, विपद् व्यवस्थापन निकाय तथा अन्य सरोकारवाला निकायहरूलाई उच्च सतर्कता अपनाउन निर्देशन दिएको छ। सञ्चारमन्त्री तिमिल्सिनाले उद्धार तथा राहत कार्यका लागि तयारी अवस्थामा रहन र आवश्यक सबै कदम चाल्न निर्देशन दिइएको बताएका छन्।