भोटेकोसीमा अचानक ठुलो बाढी : के भन्छन् बाढी पूर्वानुमान महाशाखा प्रमुख ?

रसुवाको भोटेकोसी नदीमा तिब्बततर्फबाट अचानक ठुलो बाढी प्रवेश गरेको बाढी पूर्वानुमान महाशाखाका प्रमुख तथा वरिष्ठ जलविज्ञान विज्ञ विनोद पराजुलीले बताएका छन्। उनका अनुसार बाढी नुवाकोट सदरमुकाम विदुरभन्दा केही तलसम्म पुगिसकेको छ।

पराजुलीका अनुसार भोटेकोसीमा आएको बाढीले माथिल्लो क्षेत्रमा ठुलो क्षति गरेको सूचना आएको छ। यसको असर मुग्लिनसम्म पर्न सक्ने आकलन गर्दै नुवाकोट, धादिङ र चितवनका त्रिशुली नदी तटीय क्षेत्रलाई अति उच्च जोखिममा राखिएको उनले बताए।