रसुवामा तिब्बतबाट आएको भीषण बाढी, टिमुरे–भन्सार क्षेत्रमा ठूलो क्षति

काठमाडौं ।

चीनको तिब्बततर्फबाट बुधबार बिहान भोटेकोशी नदीमा अचानक ठूलो बाढी प्रवेश गरेपछि रसुवाको उत्तरी क्षेत्रमा ठूलो क्षति पुगेको छ। बाढीले टिमुरे, स्याफ्रुबेँसीलगायतका बजार क्षेत्र, सडक, पुल, भन्सार क्षेत्र तथा जलविद्युत् आयोजनामा क्षति पुर्‍याएको प्रारम्भिक विवरण प्राप्त भएको छ। रसुवाका प्रमुख जिल्ला अधिकारी नरेन्द्र परियारका अनुसार बिहान करिब ९ः१५ बजे तिब्बततर्फबाट एक्कासि ठूलो बाढी भोटेकोशीमा प्रवेश गरेको थियो। बाढीको बहाव अत्यन्त तीव्र रहेकाले केही समयमै टिमुरे र आसपासका क्षेत्रमा ठूलो क्षति पुगेको हो। टिमुरे बजार र भन्सार क्षेत्रमा ठूलो क्षति बाढीले टिमुरे बजार तथा रसुवा भन्सार क्षेत्रमा ठूलो क्षति पुर्‍याएको छ।