नुवाकोटका सीडीओ भन्छन्– भौतिक क्षति धेरै भयो

नुवाकोट। रसुवाको सीमा क्षेत्रबाट आएको ठुलो बाढीका कारण नुवाकोटका विभिन्न स्थानमा भौतिक संरचनामा व्यापक क्षति पुगेको छ। नुवाकोटका प्रमुख जिल्ला अधिकारी (सीडीओ) शम्भु प्रसाद रेग्मीले तटीय क्षेत्रका बजारहरूमा बाढी पसेर ठुलो नोक्सानी गरेको बताएका छन्।

रेग्मीका अनुसार बाढीले रसुवाको बोर्डरदेखि नै क्षति पुर्‍याउन सुरु गरेको थियो। ‘मानवीय क्षतिको अहिलेसम्म केही सुन्नमा आएको छैन, तर भौतिक संरचनाहरूमा ठुलो क्षति भएको छ,’ उनले भने, ‘बाढी बजार एरिया भित्रै छिरेकाले तटीय क्षेत्रमा बढी असर परेको छ।’