रसुवामा भीषण बाढी, त्रिशूली किनार छाड्न आग्रह

गोरखा : रसुवाबाट आउँदै गरेको बाढीको प्रभावबाट जोगिन त्रिशूली किनार आसपास रहेका गोरखाका जनप्रतिनिधिहरूले आग्रह गरेका छन् । त्रिशूली किनारमा अवस्थित गण्डकी गाउँपालिकाले आफ्ना नागरिकलाई त्रिशूली किनार आसपासमा नरहन आग्रह गरेको हो ।

‘हामीले नदी किनारका सबै टोल,बस्तीमा फोन गरी बस्ती खालि गरी सुरक्षित ठाउँमा जान आग्रह गरिसकेका छौँ’,गण्डकी गाउँपालिकाका प्रमुख दीपक तिमिल्सिनाले भने,‘चल सम्पतिलाई पनि सुरक्षित स्थानतर्फ सार्न भनेका छौँ ।’