एमसीसी अनुदान अन्तर्गत दुई नयाँ सबस्टेशन र २९७ किमि प्रसारणलाइन निर्माण शुभारम्भ

रातमाटे, नुवाकोट । अमेरिकी संस्था मिलेनियम च्यालेन्स कर्पोरेसन (एनसीसीको अनुदानमा निर्माण हुने परियोजना कार्यान्वयन गर्न सरकारले बनाएको मिलेनियम च्यालेञ्ज एकाउण्ट नेपाल विकास समितिले बुधबार दुई नयाँ सबस्टेशन र २९७ किमि प्रसारणलाइन निर्माण शुभारम्भ गरेको छ ।

एमसीसी कम्प्याक्टको विद्युत् प्रसारण आयोजनाअन्तर्गत रातमाटे सबस्टेशन र नयाँ दमौली सबस्टेशन तथा २९७ किलोमिटर लामो विद्युत् प्रसारण लाइनको निर्माण कार्य थालनी गरिएको हो । अमेरिकाबाट प्राप्त ५५ करोड अमेरिकी डलर अनुदान र नेपालको सरकारको १९.७० करोड अमेरिकी डलर लगानीमा भइरहेको यस साझेदारीले अन्तर्राष्ट्रियस्तरको विद्युत् प्रसारण पूर्वाधार निर्माण र महत्वपूर्ण सडक सञ्जालको स्तरोन्नति कार्य गरिरहेको छ ।