जुड बेलिंघमको दुई गोल : नर्वेलाई हराउँदै इगंल्यान्ड विश्वकप सेमिफाइनलमा

जुड बेलिंघमले अतिरिक्त समयमा गरेको निर्णायक गोलसँगै इगंल्यान्ड फिफा विश्वकप २०२६ को सेमिफाइनलमा प्रवेश गरेको छ। आइतबार बिहान मियामी स्टेडियममा भएको निकै प्रतिस्पर्धात्मक क्वार्टरफाइनल खेलमा इगंल्यान्डले नर्वेलाई २-१ ले पराजित गरेको हो।

खेलको ३६ औं मिनेटमा एन्ड्रियास स्चेल्डरअपले गोल गर्दै नर्वेलाई सुरुवाती अग्रता दिलाएका थिए। तर पहिलो हाफको अतिरिक्त समयमा बेलिंघमले गोल फर्काउँदै खेल बराबरीमा ल्याए। त्यसपछि निर्धारित ९० मिनेटसम्म दुवै टोलीबाट थप गोल हुन सकेन र खेल अतिरिक्त समयमा धकेलियो। अतिरिक्त समयको तेस्रो मिनेटमा बेलिंघमले व्यक्तिगत दोस्रो गोल गर्दै इगंल्यान्डलाई जित दिलाए।