रसुवा बाढी : स्थानीय वर्षाका कारण नभएको प्रारम्भिक विश्लेषण

रसुवामा आएको ठूलो बाढी स्थानीय क्षेत्रमा भएको वर्षाका कारण नभएको मौसम पूर्वानुमान महाशाखाको प्रारम्भिक विश्लेषणले देखाएको छ। महाशाखाका मौसमविद् संजीव अधिकारीका अनुसार पछिल्लो २४ घण्टामा रसुवा क्षेत्रमा ठूलो वर्षा भएको विवरण छैन।

उनका अनुसार पछिल्लो २४ घण्टामा सिन्धुपाल्चोकका केही स्थानमा भारीदेखि धेरै भारी वर्षा भए पनि रसुवाका अधिकांश स्थानमा हल्कादेखि मध्यम वर्षा मात्रै भएको छ। रसुवाको थामोचेत स्टेसनमा करिब ७ मिलिमिटर वर्षा मापन भएको उनले जानकारी दिए।