बिहान ८:४० मा नेपाल पसेको थियो बाढी, हिमपहिरोले थुनिएको नदी एक्कासि खुलेको अनुमान

काठमाडौं । रसुवा बाढी र पहिरोको संकटका विषयमा गृह मन्त्रालयमा विपद् जोखिम न्यूनीकरण प्राधिकरणको बैठक बसेको छ । बैठकमा संकट समाधानका लागि अवलम्बन गर्ने उपायहरूबारे छलफल भयो ।

बैठकपछि बोल्दै प्राधिकरणकी एक सदस्यले बाढी धादिङको गल्छीसम्म आइपुगेको सूचना प्राप्त भएको बताइन् । एनटीसी र एनसेलका टावरमा क्षति पुगेकाले यकिन विवरणहरू प्राप्त भई नसकेको उनको भनाइ छ । संकट क्षेत्रमा उद्धारका लागि तीनवटा हेलिकोप्टर पठाइएको उनले बताइन् ।