नुवाकोटका स्थानीय भन्छन्- त्रिशूली नदी यसरी बौलाएको अहिलेसम्म देखेका थिएनौँ, बजार र बस्ती पूरिएर केही देखिँदैन

नुवाकोट : रसुवाको भोटेकोशी नदीमा आएको भीषण बाढी तल्लो तटीय क्षेत्र नुवाकोट प्रवेश गरेपछि बेत्रावती, त्रिशूली र विदुर क्षेत्रमा ठूलो क्षति पुगेको छ।

बाढीसँगै आएको अकल्पनीय लेदो र गेग्रानका कारण त्रिशूली जलविद्युत् आयोजनाको बाँध र पावरहाउस पुरिएका छन् भने तटीय बजार तथा बस्तीहरू जलमग्न भएका छन्।