रसुवा बाढी : स्थानीय प्रशासनसँगको समन्वयमा उद्धार र राहतमा जुट्न प्रचण्डको निर्देशन

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले रसुवाको बाढी प्रभावित क्षेत्रमा तत्काल उद्धार, राहत तथा मानवीय सेवामा जुट्न पार्टी पंक्तिलाई निर्देशन दिएका छन् ।

रसुवाको भोटेकोसी नदीमा बुधबार बिहान तिब्बततर्फबाट ठूलो बाढी आएपछि प्रचण्डले स्थानीय प्रशासनसँग समन्वय गरी प्रभावित क्षेत्रमा उद्धार तथा राहतका काममा जुट्न पार्टी नेता–कार्यकर्तालाई निर्देशन दिएका हुन् ।