मेडिकल टिम बोकेर सेनाको हेलिकप्टर बाढी प्रभावित क्षेत्रतर्फ

काठमाडौँ । नेपाली सेनाको एआई–१७ हेलिकप्टर इमर्जेन्सी मेडिकल रेस्क्यु टिम (ईएमआरटी) बोकेर बाढी प्रभावित क्षेत्रतर्फ उडेको छ । सेनाका प्रवक्ता तथा सहायक रथी राजाराम बस्नेतका अनुसार हेलिकप्टर मेडिकल टिमसहित जिल्ला अस्पताल त्रिशूलीतर्फ गएको हो । बाढी प्रभावित क्षेत्रमा तत्काल आवश्यक स्वास्थ्य सेवा उपलब्ध गराउने उद्देश्यले मेडिकल टिम परिचालन गरिएको हो ।

यसैगरी, धुन्चे र त्रिशूलीबाट उद्धार टोलीसमेत परिचालन गरिएको सेनाले जनाएको छ। यसअघि नेपाली सेनाका दुई हेलिकप्टर बाढी प्रभावित क्षेत्रको उद्धार तथा राहतका लागि परिचालन भइसकेका थिए ।