‘डंकी’ रुटको चक्रव्यूह : अमेरिकाको सपनाले बाटोमै हराए छोराहरू

काठमाडौं । रुकुम पश्चिमका तीन युवा अवैध ‘डंकी रुट’ हुँदै अमेरिका जान खोज्दा दुई वर्षदेखि बेपत्ता छन्। परिवारहरूले दलाललाई करोडौं रुपैयाँ बुझाए पनि सन्तानको अत्तोपत्तो नपाउँदा उनीहरू आर्थिक र मानसिक पीडामा छन्। राज्य संयन्त्र र प्रहरीको चासो अभावका कारण पीडित परिवार न्याय र छोराहरूको खोजीमा निराश छन्।

रुकुम पश्चिम, आठबिसकोट नगरपालिका–७, खारखाराको घर परिमल खत्रीले भित्ताबाट बिस्तारै तस्बिर निकाले र मलिनो स्वरमा भने,” यही छोरो हो, दुई वर्षदेखि हराएको। २०८१ को दसैंमा त सँगै थियौं। त्यसपछि अमेरिका जाने भन्दै घरबाट हिँडेको, कता हरायो कता…, काँ गयो काँ। खै अहिलेसम्म फर्केकै छैन।’