पार्टपुर्जाको लागत ह्वात्तै बढेपछि आईफोन १८ प्रो म्याक्सको मूल्य ३० हजारभन्दा बढीले महँगिने !

काठमाडौं । एप्पलले आफ्ना अघिल्ला मोडेलहरूको तुलनामा आईफोन १८ प्रो म्याक्स उत्पादन गर्न निकै ठुलो रकम खर्च गरिरहेको छ । यसको सिधा अर्थ उपभोक्ताका लागि यसको मूल्य २०० डलर वा सोभन्दा बढीले वृद्धि हुनेछ ।

एप्पलले हालै गरेको अभूतपूर्व मूल्य वृद्धिमा सबै आईफोन मोडेलहरूलाई यथावत् राखेको थियो । तर आगामी आईफोन १८ प्रो सिरिज यसबाट प्रभावित हुने सम्भावना पहिले नै थियो । काउन्टरपोइन्ट रिसर्चको पछिल्लो अनुमान अनुसार, एप्पलले आईफोन १८ प्रो म्याक्सका लागि तिर्नुपर्ने बिल अफ मटेरियल्स (पार्टपुर्जाको कूल लागत) हालको मोडेलको तुलनामा ३०० डलर बढी रहेको छ ।