नारायणीको तटीय क्षेत्रका बासिन्दालाई सुरक्षित स्थानमा सारिँदै

रसुवा बाढीको असर नारायणी नदीसम्म पर्ने भएकाले तटीय क्षेत्रका वासिन्दालाई सुरक्षित स्थानमा सार्ने काम भइरहेको नवलपुर प्रशासनले जनाएको छ ।

बाढीको बहाव तीब्र रुपमा बढिरहेकाले यसको असर नारायणी नदीको तटीय क्षेत्रमा पर्ने आँकलन गरिएको छ । तर असर कत्तिको हुन्छ भन्ने पुरै आँकलन अझै हुन नसकेको नवलपुरका प्रमुख जिल्ला अधिकारी जगदिश्वर उपाध्यायले बताउनुभयो ।