बाढी प्रभावितको उद्धार र राहतमा प्राथमिकताका साथ काम गर्न शशांकको आग्रह  

१० भदौ, काठमाडौं । नेपाली कांग्रेसका पूर्वमहामन्त्री डा शशांक कोइरालाले बाढी प्रभावितको खोज, उद्धार तथा राहत कार्यलाई उच्च प्राथमिकताका अघि बढाउन सरकारसँग आग्रह गरेका छन् ।

सामाजिक सञ्जाल मार्फत डा. कोइरालाले भोटेकोशी हुँदै त्रिशूली नदीमा पानीको बहाव निरन्तर बढिरहेकाले रसुवा, नुवाकोट, धादिङ, गोरखा तथा चितवन जिल्लाका नदी तटीय र जोखिमयुक्त क्षेत्रमा बसोबास गर्ने नागरिकहरूले विशेष सावधानी अपनाउन पनि आग्रह गरेका छन् ।