मस्कोमा किन उत्रियो अमेरिकी सेनाको विमान ?

मस्को । रुस–युक्रेन युद्ध जारी रहेका बेला अमेरिकी केन्द्रीय गुप्तचर निकाय (सीआईए)का निर्देशक जोन र्‍याटक्लिफ अचानक रुसको राजधानी मस्को पुगेका छन् । अमेरिकी सञ्चारमाध्यमका अनुसार र्‍याटक्लिफ मस्कोमा केही उच्चस्तरीय भेटवार्ताका लागि पुगेका हुन् । तर उनले रुसी पक्षका कुन अधिकारीसँग भेट गरे वा वार्ताको विषय के थियो भन्नेबारे अमेरिकाले औपचारिक जानकारी दिएको छैन ।

सीबीएस न्युजले घटनाबारे जानकार स्रोतलाई उद्धृत गर्दै र्‍याटक्लिफ मस्कोमा रहेको जनाएको थियो । एबीसी न्युजले पनि उनी रुसी राजधानीमा भेटवार्ताका लागि पुगेको रिपोर्ट गरेको थियो । सीआईए, रक्षा मन्त्रालय र वायुसेनाले भने उनको भ्रमणबारे टिप्पणी गर्न अस्वीकार गरेको समाचारमा भनिएको छ ।