तिब्बतमा हिमताल विस्फोटले भोटेकोसी र त्रिशूलीमा निम्त्याएको भीषण बाढी

रसुवाको उत्तरी सीमावर्ती क्षेत्र हुँदै बुधबार बिहान भोटेकोसी नदीमा अचानक आएको अत्यन्त ठुलो बाढीले टिमुरे, रसुवागढी तथा स्याफ्रुबेँसी क्षेत्रमा ठुलो क्षति पुर्‍याएको छ ।

तिब्बततर्फबाट अस्वाभाविक रूपमा ठुलो परिमाणमा पानी भोटेकोसी नदीमा प्रवेश गरेपछि बाढी तीव्र गतिमा दक्षिणतर्फ फैलिएको हो । प्रारम्भिक सूचनाअनुसार बिहान करिब ९ बजेतिर भोटेकोसीमा एक्कासि पानीको सतह बढेको थियो ।