खुला वेबलाई सामाजिक सञ्जालको फिड जस्तै बनाउने एप हाइपरटेक्स्टिङ सार्वजनिक

काठमाडौं । प्रविधिको तीव्र विकाससँगै इन्टरनेट ब्राउजिङ गर्ने स्थापित शैलीमा नयाँ परिवर्तन आउने देखिएको छ । आईओएस प्रयोगकर्ताका लागि हालै उपलब्ध भएको नयाँ एप हाइपरटेक्सटिङ (HyperTexting) ले खुला वेबलाई (open web) फेसबुक वा एक्स जस्ता सामाजिक सञ्जालको फिड जस्तै स्क्रोल गरेर पढ्न मिल्ने सुविधा ल्याएको हो ।

यो एपले प्रयोगकर्तालाई आफ्नो व्यक्तिगत वेबसाइट अपडेट गर्ने प्रक्रियालाई एउटा सामान्य टेक्स्ट मेसेज पठाए जत्तिकै सहज बनाउने लक्ष्य राखेको छ । एल्गोरिदम-रहित वेबको यो नयाँ परिकल्पना प्रविधि क्षेत्रमा २० वर्षभन्दा लामो अनुभव बटुलेका क्यालेब हेलीले तयार पारेका हुन् । उनी इन्टरनेटको सुरुवाति दिनहरूको त्यो प्रतिबद्धता अझै सम्झन्छन्, जहाँ हरेक प्रयोगकर्ताको आफ्नै डोमेन हुन्थ्यो र उनीहरूले वेबको आफ्नो सानो हिस्सामा सामग्री प्रकाशन गर्थे ।