एघार करोडको लागतमा उदिपुरको पहिरो नियन्त्रण

काठमाडौँ । सङ्घीय सरकारको एघार करोड १९ लाख रुपैयाँको लागतमा डुम्रे–बेँसीसहर सडकअन्तर्गत उदिपुर क्षेत्रमा पहिरो नियन्त्रणका स्थायी संरचनाहरू निर्माण गरिएपछि यस वर्षको बर्खायाममा पनि सवारी आवागमन सुरक्षित र सहज भएको छ।

डुम्रे–बेँसीसहर–चामे सडक योजना कार्यालयका सूचना अधिकारी नवीन विष्टका अनुसार मस्र्याङ्दी नदीमा माइक्रो पाइल हाल्ने, नदी किनारमा बलियो संरक्षण पर्खाल ठड्याउने, ४५ मिटर अग्लो र ८० मिटर लामो ग्याबिन जाली भर्ने, ३०० मिटर सडक कालोपत्र गर्ने तथा सडकमाथिको पहिरो प्रभावित क्षेत्रमा नेलिङ प्रविधिमार्फत पहाडलाई बाँध्ने जस्ता महत्त्वपूर्ण संरचनाहरू निर्माण गरिएका छन्।