रसुवा बाढी : ३०० भन्दा बढी गाडी बाढीले बगायो, ५ जना कर्मचारी सम्पर्कविहीन

काठमाडौँ । रसुवामा बाढीले रसुवा भन्सार कार्यालयमा रहेका गाडीसहित अन्य सामाग्री पनि बगाएको छ । अर्थमन्त्रालयका अनुसार अझै ५ जना कर्मचारी सम्पर्कविहीन भएका छन् भने अन्य कर्मचारीहरू टिमुरे बजारभन्दा माथिको डाडामा उद्धारको पर्खाइमा छन् ।

रसुवा भन्सार कार्यालयका प्रमुख राजेन्द्र ढुङ्गानाले अनुसार भन्सार यार्डमा चेकजाँचका लागि रहेका ट्रक तथा अन्य गरी ३०० भन्दा बढी गाडी बाढीले बगाएको छ । त्यति मात्रै नभएर भन्सार क्षेत्रमा भन्सार चेकजाँचको क्रममा रहेका अन्य धेरै गाडी पनि बगाएको छ ।