रसुवागढी बाढीको विनाशप्रति सुदूरपश्चिमका मुख्यमन्त्री भट्टद्वारा गहिरो दुःख व्यक्त

कैलाली । सुदूरपश्चिम प्रदेशका मुख्यमन्त्री खगराज भट्टले रसुवागढीस्थित भोटेकोसी नदीमा आएको बाढीका कारण भएको जनधनको क्षतिप्रति गहिरो दुःख व्यक्त गरेका छन्।

अचानक आएको बाढीका कारण नुवाकोटको बेत्रावती, बनार, त्रिशूली बजार र देवीघाट बजार लगायतका क्षेत्रमा ठूलो क्षति पुगेकोप्रति दुःख व्यक्त गर्दै मुख्यमन्त्री भट्टले विपद्को यस घडीमा उच्च सतर्कता अपनाउन सबैमा आग्रह गरेका छन्।