रसुवा बाढीलाई ‘राष्ट्रिय विपद्’ घोषणा गर्न सांसद आचार्यको माग, सबै हेलिकप्टर प्रभावित क्षेत्रमा पठाउन आग्रह

काठमाडौँ । नेपाली कांग्रेसका सांसद मोहन आचार्यले रसुवा–त्रिशूली करिडोर क्षेत्रमा आएको भीषण बाढीका कारण ठूलो मानवीय तथा भौतिक क्षति भएको बताउँदै यसलाई ‘राष्ट्रिय विपद्’ घोषणा गर्न सरकारसँग जोडदार माग गरेका छन्।

प्रतिनिधि सभाको बुधबारको बैठकमा विशेष समय लिएर बोल्दै सांसद आचार्यले भोटेकोशी नदीमा आएको बाढीले रसुवागढीदेखि तलका तटीय क्षेत्रमा रहेका बस्तीहरू, पक्की पुलहरू तथा जलविद्युत् आयोजनालगायतका महत्त्वपूर्ण संरचनाहरू बगाएको जानकारी गराए। रसुवाको यो विपत्ति यस शताब्दीकै सबैभन्दा ठूला विपत्तिहरूमध्ये एक भएको उनको भनाइ छ।