बाढी प्रभावितकाे उद्धारमा जुट्न सांसद दुलालको आग्रह

काठमाडौँ। नेपाली कम्युनिस्ट पार्टी(नेकपा)का प्रमुख सचेतक युवराज दुलालले रसुवा हुँदै बग्ने भोटेकोशी र त्रिशूली नदीमा आएको अकल्पनीय बाढीले पुर्‍याएको क्षतिप्रति गहिरो दुःख व्यक्त गर्दै सरकारलाई उद्धार र राहतमा सबै सामर्थ्य प्रयोग गर्न आग्रह गरेका छन्।

प्रतिनिधि सभाको बैठकमा बोल्दै उनले बाढी प्रभावित रसुवा, नुवाकोट र धादिङ जिल्लालाई सङ्कटग्रस्त क्षेत्र घोषणा गरी विशेष प्राथमिकताका साथ काम गर्न सरकारको ध्यानाकर्षण गराए।