विपद् व्यवस्थापनका लागि अत्याधुनिक उपकरणमा लगानी गर्न हर्क साम्पाङको सुझाव

श्रम संस्कृति पार्टीका सांसद हर्क साम्पाङले पछिल्लो प्राकृतिक विपद्बाट पाठ सिक्दै विपद् व्यवस्थापनका लागि आवश्यक अत्याधुनिक उपकरण तथा प्रविधिको व्यवस्था गर्न सरकारलाई सुझाव दिएका छन् ।

बुधबार प्रतिनिधिसभाको बैठकमा बोल्दै सांसद साम्पाङले अकल्पनीय प्राकृतिक विपद्का कारण ठूलो क्षति बेहोर्नुपरेको भन्दै दुःख व्यक्त गरे । उनले भविष्यमा यस्ता विपद्बाट हुने क्षति न्यूनीकरणका लागि सरकारले प्रतिक्रियात्मकभन्दा पनि पूर्वतयारीमा आधारित योजना बनाउनुपर्ने बताए ।