रसुवाको बाढीले अटोमोबाइल आपूर्ति शृंखलामा असर पर्न सक्ने भन्दै नाडाद्वारा क्षति मूल्यांकन गर्न आग्रह

काठमाडौं- रसुवाको भोटेकोशी नदीमा आएको आकस्मिक तथा भीषण बाढीबाट टिमुरे, स्याफ्रुबेँसी, त्रिशूलीलगायत क्षेत्रमा भएको जनधन तथा भौतिक क्षतिप्रति नाडा अटोमोबाइल्स एसोसिएसन अफ नेपाल ९नाडा० ले गहिरो दुःख व्यक्त गरेको छ।

नाडाले बाढीबाट प्रभावित नागरिक, व्यवसायी, श्रमिक तथा सुरक्षाकर्मीप्रति सहानुभूति व्यक्त गर्दै बेपत्ता तथा प्रभावित व्यक्तिहरूको तत्काल खोज, उद्धार र सुरक्षित स्थानान्तरणलाई प्राथमिकतामा राखेर काम गरिरहेको सरकारको प्रशंसा गरेको छ। साथै, विपद्को यस कठिन समयमा नाडा सरकार र नागरिकको साथमा रहेको जनाएको छ।