रसुवा बाढीलाई जलवायु संकट र जलवायु न्यायसँग जोडेर हेर्न खुस्बु ओलीकाे आग्रह

काठमाडौं । राष्ट्रिय प्रजातन्त्र पार्टीकी सांसद खुस्बु ओलीले रसुवामा हालै आएको विनाशकारी बाढीलाई प्राकृतिक विपद्का रूपमा मात्र नभई जलवायु संकट र जलवायु न्यायसँग जोडेर हेर्नुपर्ने बताएकी छन्।

बुधबार बसेको प्रतिनिधिसभाको बैठकमा बोल्दै सांसद ओलीले रसुवामा बाढीले सिर्जना गरेको विनाशको दृश्य अत्यन्तै पीडादायी र भयावह रहेको बताउँदै देश शोकमा डुबेको उल्लेख गरिन्।