हाँसिरहेका प्रहरी महानिरीक्षकलाई जब प्रभातले रुवाए...

काठमाडौं । कमेडी शो ‘कमेडी नाइट विथ च्याम्पियन्स’ हास्न गएका प्रहरीका महानिरीक्षक (आईजीपी) दानबहादुर कार्कीको आँखा आँसुले भरियो । कमेडियन प्रभात लामाको भावुक प्रस्तुतिले उनका आँखा रसाएका हुन् ।

मंगलबारको एपिसोडमा आईजीपी कार्की अथिति बनेर पुगेका थिए, जहाँ प्रभात लामाले इन्दिरा घिसिङ नाम गरेकी महिलाको र कर्मा सिंह लामाले उनका छोराको भूमिका गरेका थिए । त्यस समय प्रहरीको दुःखको किस्सा सुनेर भावुक हुँदै कार्कीले गहभरि आँसु बनाए । प्रस्तुतिमा प्रहरी श्रीमान् गुमाएकी आमाले आफ्ना पीडा तथा संघर्षका कथा भनिएको थियो । उक्त दृश्यले हलमा उपस्थित धेरै दर्शकका आँखा रसाएका थिए ।