जेब्रा झोला बोकेर होल्डिङ सेन्टरबाट बाहिरिँदै गरेका बालकलाई हर्क साम्पाङले गरे ५० हजार सहयोगको घोषणा

काठमाडौँ । कीर्तिपुरस्थित होल्डिङ सेन्टरमा आश्रय लिइरहेका काठमाडौँका सुकुम्बासी परिवारमाथि शनिबार मध्यराति आएको बाढीले विपत्ति थपिदियो । बाढी होल्डिङ सेन्टरमा परेसँगै त्यहाँबाट सुरिक्षत स्थानतिर लाग्ने क्रममा एउटा सानो बालकले काँधमा जेब्रा झोला बोकेर हिँडिरहेको दृश्य रातोपाटीले सार्वजनिक गरेपछि त्यो तस्बिरले धेरैको ध्यान खिचेको छ।

सोही तस्बिर फेसबुकमा साझा गर्दै श्रम संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले ती बालकलाई आफ्नो व्यक्तिगत तर्फबाट रु. ५० हजार आर्थिक सहयोग गर्ने घोषणा गरेका छन्।