१४ औँ साग तोकिएकै समयमा हुनेमा आशङ्का नगर्न नेपाल ओलम्पिक कमिटीको आग्रह

काठमाडौँ । पाकिस्तानमा तय १४ औँ दक्षिण एसियाली खेलकुद (साग) निर्धारित समयमै हुनेबारे आशङ्का नगर्न नेपाल ओलम्पिक कमिटी (एनओसी) का अध्यक्ष जीवनराम श्रेष्ठले आग्रह गरेका छन्।

गत आइतबार पाकिस्तानको इस्लामावादमा बसेको दक्षिण एसियाली ओलम्पिक काउन्सिल (एसएओसी) को कार्यकारी समिति बैठकले १४ औँ साग आगामी चैत २० देखि २८ गतेसम्म आयोजना गर्ने निर्णय गरेको थियो।