बंगलादेशमा बाढी र पहिरोबाट ४४ जनाको मृत्यु, १० लाखभन्दा बढी प्रभावित

ढाका । लगातारको मनसुनी वर्षापछि आएको बाढी र पहिरोका कारण बंगलादेशको दक्षिणपूर्वी क्षेत्रमा कम्तीमा ४४ जनाको मृत्यु भएको छ भने १० लाखभन्दा बढी मानिस प्रभावित भएका छन् ।

रोयटर्सका अनुसार बंगलादेशको विपद् व्यवस्थापन मन्त्रालयले सात जिल्लामा बाढीले ठुलो क्षति पुर्‍याएको जनाएको छ । प्रभावित जिल्लामा चट्टोग्राम, कक्स बजार, बन्दरबन, रंगामाटी, खग्राछरी, मौलवीबजार र हबिगञ्ज रहेका छन् ।