इन्फा अवार्ड २०२६ : मदनकृष्णलाई लाइफ टाइम अवार्ड, उत्कृष्ट ५ मा को–को परे ?

काठमाडौँ । वरिष्ठ कलाकार मदनकृष्ण श्रेष्ठलाई एक लाख एघार हजार एक सय एघार रुपैयाँ सहितको ‘लाइफ टाइम एचिभमेन्ट अवार्ड’ प्रदान गरिने भएको छ । तेस्रो अन्तर्राष्ट्रिय नेपाली फिल्म अवार्ड (इन्फा)–२०२६ अन्तर्गत उनलाई सो सम्मान दिन लागेको हो ।

राजधानीमा एक कार्यक्रमका बिच अवार्डले उत्कृष्ट पाँच पनि घोषणा गरेको छ । इन्फा इभेन्ट्स युके र इन्फा नेपालको संयुक्त आयोजनामा हुन लागेको कार्यक्रममा २० प्रतिस्पर्धात्मक विधाका उत्कृष्ट पाँच मनोनयन सार्वजनिक गरिएको हो । २०८२ वैशाख १ देखि चैत मसान्तसम्म प्रदर्शनमा आएका फिल्महरू अवार्डमा सहभागी छन् ।