प्रेमीसँगको मिलेमतोमा श्रीमान‍्को हत्या गरेको आरोप, श्रीमतीसहित पाँच पक्राउ

धनगढी । कैलालीमा श्रीमान‍‍्को हत्या गरेको आरोपमा प्रहरीले उनकी श्रीमतीसहित पाँच जनालाई पक्राउ गरेको छ । लम्कीचुहा नगरपालिका–४ का ३३ वर्षीय दीपक सुनार साउन २२ गते बिहानदेखि जानकी गाउँपालिका–९ अमरावतीस्थित ससुरालीबाट हराएको भन्दै उनकी श्रीमती यमुना सुनारले प्रहरीलाई जानकारी गराएकी थिइन् ।

प्रहरीले खोजतलास तथा अनुसन्धान गर्ने क्रममा यमुनाले प्रेमीसँगको मिलेमतोमा श्रीमान्को हत्या गर्ने योजना बनाएको तथ्य खुलेको जनाएको छ । प्रहरीका अनुसार दीपकको हत्या गरी शव कर्णाली नदीमा फालिएको प्रारम्भिक अनुसन्धानबाट खुलेको छ ।