अब ड्राइभिङ लाइसेन्सका लागि अनलाइनबाटै राजस्व तिर्न सकिने, तयारी अन्तिम चरणमा

काठमाडौं । अब सवारी चालक अनुमतिपत्र (ड्राइभिङ लाइसेन्स) को राजस्व अनलाइनबाटै तिर्न सकिने भएको छ । यातायात व्यवस्था विभागले सेवाग्राहीको भिडभाड कम गर्न आगामी शुक्रबार (१ साउन) देखि यो सेवा उपलब्ध गराउने तयारी थालेको हो ।

विभागले हाल यसको प्राविधिक परीक्षण (पाइलटिङ) गरिरहेको र परीक्षण सफल देखिएको जनाएको छ । विभागका सूचना प्रविधि निर्देशक केशव खतिवडाका अनुसार १ साउनदेखि यो प्रणालीलाई औपचारिक रूपमा कार्यान्वयनमा ल्याउने गृहकार्य भइरहेको छ ।