प्रतिनिधिसभा बैठक अनिश्चितकालका लागि स्थगित

बाढीपहिरोपछिको खोज, उद्धार तथा राहत कार्यमा सांसदहरू समेत प्रत्यक्ष खटिनुपर्ने आवश्यकता देखिएको भन्दै प्रतिनिधिसभाको बैठक अर्को सूचना नभएसम्मका लागि अनिश्चितकालका लागि स्थगित भएको छ।

सभामुख डोलप्रसाद अर्यालले बुधबारको बैठक आगामी भदौ ११ गते दिउँसो १ बजे बस्ने गरी स्थगित गरेका थिए। तर, लगत्तै संघीय संसद् सचिवालयले विशेष सूचना जारी गर्दै देशको विपद्पूर्ण परिस्थितिलाई मध्यनजर गरी बैठक अनिश्चितकालका लागि स्थगित गरिएको जनाएको हो।