रसुवा बाढी : त्रिशूली र नारायणी नदीमा १८ शव भेटिए

चितवन : तिब्बत क्षेत्रबाट आएको बाढीका कारण चितवनका त्रिशूली र नारायणी नदीमा बगेर आएका १८ वटा शव फेला परेका छन्। कुरिनटारदेखि नारायणगढको लीलाचोकसम्मका विभिन्न स्थानमा साँझ ६ बजेसम्म ती शवहरू फेला परेको जिल्ला प्रशासन कार्यालय चितवनले जनाएको छ।

प्रमुख जिल्ला अधिकारी गणेश अर्यालका अनुसार शवहरूसँगै १२ वटा हातखुट्टासमेत भेटिएका छन्। सुरक्षा निकायले नदी तटीय क्षेत्रमा उच्च सतर्कताका साथ बगेर आएका शवहरू निकाल्ने काम गरिरहेको छ। उनले भने, “अहिलेसम्म १८ वटा शव भेटिएको छ। १२ वटा हातखुट्टाहरू भेटिएका छन्। अरु विवरण लिँदै छौँ।”