त्रिशूली नदी किनारमा सात पुरुषका शव र मानव अंग फेला

रसुवामा आएको भीषण बाढीले त्रिशूली नदीमा बगाएर ल्याएको आशंका गरिएका सात जना पुरुषका शव तथा केही मानव अंग गोरखाका विभिन्न स्थानमा फेला परेका छन्।

जिल्ला प्रहरी कार्यालय गोरखाका अनुसार बुधबार दिउँसो करिब २:३० बजे स्थानीयवासीले त्रिशूली नदीका विभिन्न स्थानमा शव तथा मानव अंग देखिएको जानकारी गराएका थिए। सूचना प्राप्त भएपछि सम्बन्धित प्रहरी चौकी तथा इलाका प्रहरी कार्यालयबाट प्रहरी टोली तत्काल घटनास्थलतर्फ परिचालन गरिएको थियो।