बाढीले बगाएर ल्याएका पाँच शव धादिङमा फेला

भोटेकोसीमा आएको बाढीले ल्याएका पाँच जनाको शव धादिङमा फेला परेका छन् । प्रमुख जिल्ला अधिकारी लक्ष्मी पाण्डेय (गौतम)का अनुसार हालसम्म धादिङमा कुनै पनि मानवीय क्षति नभएपनि रसुवाबाट बगाएर ल्याएका पाँच वटा शव फेला परेका हुन् ।

बाढीले भौतिक संरचनामा बढी क्षती पारेको छ । उनका अनुसार धादिङ जिल्लामा ५ वटा पक्की पुल र १० वटा झोलुङ्गे पुल बगाएको छ । यस्तै पृथ्वी राजमार्ग अन्तरगत पर्ने गजुरी, गल्छी लगायतका स्थानमा लेदो आएर बसेका कारण भोलि सवारी आवागमन पुर्णरुपमा बन्द गरिएको छ ।