जर्मनीमा इन्जिनियरको रोजगारी संकट : ५० आवेदन दिँदा पनि जागिर पाएनन्

फ्रान्कफर्ट । एक वर्षदेखि रोजगारीको खोजीमा रहेका जर्मन सफ्टवेयर इन्जिनियर म्याक्स पेलले ठूला अटोमोटिभ आपूर्तिकर्ता कम्पनीमा काम गरेको अनुभवसहित करिब ५० वटा आवेदन पठाइसकेका छन् । तर उनले अझै स्थायी जागिर पाउन सकेका छैनन् ।

स्वायत्त तथा बौद्धिक ड्राइभिङ प्रणालीका लागि महत्वपूर्ण मानिने ‘कम्प्युटर भिजन’ प्रविधिमा दक्ष पेलले कुनै समय जर्मनीका ठूला औद्योगिक कम्पनीमा सहजै अवसर पाउने अपेक्षा गरेका थिए । तर युरोपको सबैभन्दा ठूलो अर्थतन्त्रमा देखिएको सुस्त आर्थिक वृद्धि र चीनबाट बढ्दो प्रतिस्पर्धाले अहिले युवा इन्जिनियरहरूको रोजगारी अवसरमा असर पारेको छ ।