बाढीपहिरोको बारे वस्तुनिष्ठ अध्ययन गरी भविष्यको जोखिम रोक्नुपर्छ : बादल

नेकपा एमालेका नेता रामबहादुर थापा ‘बादल’ले भदौ १० गते रसुवामा भएको विनाशकारी बाढी प्राकृतिक कारणले आएको हो वा मानव सिर्जित दुर्घटनाको परिणाम हो भन्ने विषयमा अध्ययन गर्नुपर्ने बताएका छन्।

प्रतिनिधिसभाको बैठकमा बोल्दै थापाले भदौ १० गतेको घटना कसरी हजारौँ नागरिकका लागि ‘कालरात्रि’ बन्न पुगेको बताउँदै घटनाको वास्तविक कारण र प्रकृति पहिचान गर्न सके मात्रै भविष्यमा यस्ता विपद् रोक्न तथा त्यसबाट हुने क्षति न्यूनीकरण गर्न सकिने उनको भनाइ छ।