रसुवा बाढीका कारण सम्पर्कविहीन ४४ सैनिकको खोजी कार्य हुँदै

काठमाडौँ। रसुवामा आएको बाढीका कारण सम्पर्कविहीन भएका ४४ जना सैनिक कर्मचारीको खोजी भइरहेको नेपाली सेनाले जनाएको छ । बुधबार बिहान ९ बजेतिर चीनको तिब्बततर्फबाट आएको ल्हेन्दे खोलाको बाढीका कारण भोटेकोशी र त्रिशुलीमा बहाव बढेको थियो ।

सो बाढीमा परेर रसुवा र नुवाकोटमा कार्यरत सैनिक कर्मचारी बेपत्ता भएका हुन् । उनीहरूको खोजीकार्य भइरहेको सैनिक प्रवक्ता (सहायकरथी) राजाराम बस्नेतले रातोपाटीलाई बताए ।