रेमिट्यान्स ३७.१ प्रतिशतले बढ्यो, शोधनान्तर बचत १० खर्ब २७ अर्ब

काठमाडौँ । गत आर्थिक वर्ष २०८२-८३ मा मुलुकको शोधनान्तर स्थिति १० खर्ब २७ अर्ब चार करोड रुपैयाँले बचतमा रहेको छ। नेपाल राष्ट्र बैंकका अनुसार रेमिट्यान्स आप्रवाहमा भएको उल्लेख्य वृद्धिले शोधनान्तर बचत विस्तारमा महत्त्वपूर्ण योगदान गरेको छ।

अघिल्लो आर्थिक वर्षमा शोधनान्तर स्थिति पाँच खर्ब ९४ अर्ब ५४ करोड रुपैयाँले बचतमा थियो। अमेरिकी डलरमा अघिल्लो वर्ष चार अर्ब ३७ करोड डलरले बचतमा रहेको शोधनान्तर स्थिति गत आर्थिक वर्ष सात अर्ब पाँच करोड डलरले बचतमा पुगेको छ।