रास्वपाले बाढीपीडितका लागि ५० लाख दिने, सबै राजनीतिक गतिविधि स्थगित

काठमाडौं । राष्ट्रिय स्वतन्त्र पार्टी (रास्वपा)ले भोटेकोशीमा आएको बाढीबाट प्रभावित नागरिकको उद्धार तथा राहतका लागि ५० लाख रुपैयाँ आर्थिक सहयोग गर्ने भएको छ । साथै, विपद्को अवस्थालाई मध्यनजर गर्दै पार्टीका पूर्वनिर्धारित सम्पूर्ण आधिकारिक, राजनीतिक तथा सांगठनिक गतिविधि अर्को सूचना जारी नभएसम्म स्थगित गर्ने निर्णय गरेको छ ।

बुधबार बसेको पार्टी सचिवालय बैठकले चीनको तिब्बततर्फबाट भोटेकोशीमा आएको बाढीका कारण रसुवा, नुवाकोट, धादिङ, गोरखा, नवलपरासी लगायतका जिल्लामा भएको जनधनको क्षतिप्रति दुःख व्यक्त गर्दै विभिन्न निर्णय गरेको हो ।