वास्तुशास्त्रलाई वैज्ञानिक ज्ञानका रूपमा विकास गर्नुपर्छ : मुख्यमन्त्री आचार्य

लुम्बिनी प्रदेशका मुख्यमन्त्री चेतनारायण आचार्यले वास्तुशास्त्रलाई वैज्ञानिक सोच, सांस्कृतिक परम्परा र व्यवस्थित निर्माण संस्कृतिसँग जोडिएको ज्ञानका रूपमा विकास गर्नुपर्ने बताएका छन् ।

दक्षिण एसियाली ज्योतिष महासंघ लुम्बिनी प्रदेश समितिद्वारा आइतबार रूपन्देहीमा आयोजित लुम्बिनी वास्तु सम्मेलनको उद्‌घाटन गर्दै मुख्यमन्त्री आचार्यले परम्परागत ज्ञानलाई आधुनिक प्रविधिसँग समन्वय गरी सुरक्षित, वातावरणमैत्री र दिगो संरचना निर्माणमा उपयोग गर्नुपर्ने आवश्यकता औंल्याए ।​