रसुवागढी बाढीले भन्सार प्रशासन र व्यापारमा ठूलो क्षति, १५ कर्मचारी सम्पर्कविहीन

काठमाडौं । रसुवागढी क्षेत्रमा भोटेकोशी नदीमा आएको भीषण बाढीले भन्सार प्रशासन तथा चीनसँगको सीमावर्ती व्यापारमा ठूलो क्षति पुर्‍याएको छ । बाढीका कारण रसुवागढी भन्सार कार्यालयका कर्मचारीसमेत प्रभावित भएका छन् । पछिल्लो विवरणअनुसार भन्सारका १५ जना कर्मचारी सम्पर्कविहीन छन् ।

साँझ ८ बजेसम्म संकलित विवरणअनुसार रसुवागढी भन्सार कार्यालयमा कार्यरत नायब सुब्बा धर्मराज शाही र तिलक पराजुली घाइते अवस्थामा उद्धार गरी काठमाडौं ल्याइएको छ । दुवैको काठमाडौंस्थित नर्भिक अस्पतालको आकस्मिक कक्षमा उपचार भइरहेको छ ।