संविधान संशोधनमा ‘जनमत संग्रह सिफारिस’ले भड्किए पुराना दल

काठमाडौँ। ‘संविधान संशोधन बहसपत्र तयार गर्ने कार्यदल–२०८२’ ले संविधान निर्माणमा भूमिका खेलेका राजनीतिक दलहरूको असहमतिबिनै प्रतिवेदन सरकारलाई बुझाउने भएको छ ।

प्रधानमन्त्री वालेन्द्र (बालेन) शाहका राजनीतिक सल्लाहकार असिम शाहको संयोजकत्वमा चैत १६ गते कार्यदल गठन भएको थियो । चैत २५ गते बसेको कार्यदलको पहिलो बैठकले शासकीय स्वरूप, निर्वाचन प्रणाली, संघीयता, न्याय पालिका, संवैधानिक निकाय र अन्य विषयमा सुझावका लागि कार्ययोजना प्रस्ताव गरेको थियो ।