४२मा नबिल बैंक, ‘बैंकिङ एन्ड बियोन्ड’ अवधारणासहित एआईमा केन्द्रित भविष्यको रणनीति

काठमाडौं । नबिल बैंकले स्थापनाको ४२औँ वार्षिकोत्सव मनाउँदै ‘बैंकिङ एन्ड बियोन्ड’ अवधारणालाई अघि बढाउने र कृत्रिम बौद्धिकता (एआई)मा आधारित बैंकिङ सेवाको नेतृत्व गर्ने प्रतिबद्धता जनाएको छ । बैंकले वार्षिकोत्सवको अवसरमा ग्राहक, समुदाय र समग्र अर्थतन्त्रका लागि समावेशी तथा दिगो वित्तीय सेवा विस्तार गर्ने रणनीतिसमेत सार्वजनिक गरेको हो ।

वार्षिकोत्सवका अवसरमा बैंकका अध्यक्ष निर्वाणकुमार चौधरीले विगत ४२ वर्षको यात्राको आधार ‘विश्वास’ रहेको उल्लेख गर्दै यही विश्वास नै बैंकको सबैभन्दा ठूलो सम्पत्ति भएको बताए । उनले नबिल बैंकले परिवर्तनको प्रतीक्षा नगरी सधैँ बैंकिङ क्षेत्रको नेतृत्व गर्दै आएको दाबी गरे ।