बाढीपीडितका लागि भारतद्वारा १० टन राहत सामग्री र औषधि सहयोग

नेपालमा बाढीले निम्त्याएको विनाशकारी विपद्को सामना गर्न भारत सरकारले १० टन मानवीय सहायता तथा अत्यावश्यक औषधि सहयोग पठाएको छ।

भारतीय विदेशमन्त्री डा. एस. जयशङ्करले सामाजिक सञ्जालमार्फत जानकारी दिँदै बाढी प्रभावितहरूको उद्धार तथा राहतका लागि भारतले तत्काल १० टन राहत सामग्री र औषधि नेपालतर्फ पठाएको बताएका हुन्।