सुकुमबासीमाथि राज्यले दुर्व्यवहार गर्दै आतङ्क मच्चाएको आरोप

काठमाडौँ । सुकुमबासीमाथि राज्यले दुर्व्यवहार र आतङ्क मच्चाएको आरोप लगाउँदै अखिल नेपाल युवक सङ्घले काठमाडौँमा विरोध प्रदर्शन गरेको छ । सङ्घले आइतबार सरकार जनविरोधी नीतिमा अघि बढिरहेको भन्दै काठमाडौँको माइतीघर मण्डलामा विरोध प्रदर्शन गरेको हो ।

सङ्घले प्रहरीको अमानवीय व्यवहारका कारण गणेश नेपाली आत्मदाहको प्रयास गर्न बाध्य भएको दाबी गर्दै घटनाको छानबिन गरी दोषीमाथि कारबाही गर्न समेत माग गरेको छ । सङ्घका अध्यक्ष सुवास जिसीले सुकुमबासीमाथि भएको राज्यको व्यवहार र गणेश नेपालीलाई आत्मदाह गर्न बाध्य बनाइएको कारण आफूहरू प्रदर्शनमा उत्रिएको बताए ।